ХАЛЫҚАРАЛЫҚ СЕРІКТЕСТЕР

Жоғары білім беру сапасын қамтамасыздандыру агенттігі (QAA) 1997 жылы құрылған және Ұлыбритания Біріккен Корольдігінде жоғары білім беру стандарттары мен сапасы бойынша мониторинг жүргізумен және кеңес берумен айналысатын жетекші ұйымдардың бірі болып табылады. Агенттіктің миссиясы академиялық стандарттарды қолдау, Ұлыбританияның жоғары білім жаһандық беделі мен сапасын арттыру болып табылады. Агенттік студенттерді жетістікке жетуге қолдау көрсету мақсатында сапаны қамтамасыз ету жөніндегі көптеген халықаралық агенттіктермен, елдердің үкіметтерімен, жоғары оқу орындарымен және студенттік ұйымдармен тығыз қарым-қатынас жасайды.

www.qaa.ac.uk

Бизнес мектептерді және бағдарламаларды аккредиттеу бойынша Кеңес (ACBSP) бизнес білім беру үшін оқыту тәжірибесін қолдайтын және қуаттайтын жетекші мамандандырылған акрредиттеу бірлестігі болып табылады. Ассоциация лайықты оқыту тәжірибесін қамтиды және студенттерге білім алуға үйрену қажеттігін баса айтады.

ACBSP бизнес пен есепті (учет) және бизнеспен байланысты бағдарламаларды дүниежүзі бойынша қызметкер, бакалавриат, доцент және доктор дәрежесі деңгейінде аккредиттейді. Жоғары білім беруді аккредиттеу бойынша Кеңеспен (CHEA) 2001 жылы, сонымен қатар, 2011 жылы танылған, дәрежелердің барлық деңгейінде мамандандырылған аккредиттеуді алғашқы ұсынған ACBSP болды.

www.acbsp.org

ACPUA Арагон (Испания) аймағындағы жоғары білім беруді бағалайтын ресми агенттік болып табылады. Ол 2005 жылы аймақтық Парламенттің заңы негізінде құрылған. Агенттіктің заңды мәртебесі өзінің мақсаттарына жету үшін заңды субъектілігі, қаражаты және мүмкіндіктері бар дербес орган (қоғамдық-заңды бірлестік) болып табылады. ANECA ұлттық испандық агенттігімен және басқа аймақтық испандық агенттіктермен қатар ACPUA Жоғары оқу орындарындағы сапаны қамтамасыз ету бойынша агенттіктердің испандық желісіне (REACU) енеді. ACPUA ENQA-ның (Европалық жоғары білім берудің сапасын қамтамасыз ету ассоциациясы) аффилирленген мүшесі болып табылады.

www.aragon.es

ANACIP -тің миссиясы - Молдова Республикасында экономикалық бәсекеге қабілеттілік пен әлеуметтік бірлестіктің артуына ықпал ететін техникалық, жоғары білім және үздіксіз білім беру саласындағы сапа мәдениетін дамыту және ілгерілету.

ANACIP мақсаты - Молдова Республикасындағы техникалық, жоғары және үздіксіз білім беру саласындағы мекемелер мен оқу бағдарламаларын сыртқы бағалау мен аккредиттеудің интеграцияланған, сенімді, объективті және ашық жүйесін қамтамасыз ету.

www.anacip.md

Кәсіптік білім беру сапасын қамтамасыздандыру ұлттық орталығы кәсіптік білім беру саласындағы зерттеулерді жүзеге асыру, талдау, кеңес беру және бағалау мақсатында 2008 жылғы қарашада құрылған.

ANQA жоғары білімнің сапасын жүйелі арттыру жолында Армяндық қоғамда көпшілік сенімін, қоғамның ықпалдасуын, жауапкершілігі мен бәсекелестігін қалыптастыруға ықпал етеді.

Орталықтың мақсаты ұлттық мүдделі тараптардың қажеттілігін қабылдауға дайын, халықаралық стандарттарға сай келетін және халықаралық деңгейде хабардар етуді қамтамасыз ететін сапаны қамтамасыздардыру бойынша жүйені орнатуға түйінделеді.

ANQA Европалық жоғары білім берудің сапасын қамтамасыз ету ассоциациясының (ENQA) аффилирленген мүшесі және Жоғары білім сапасын қамтамасыздандыру агенттіктері Халықаралық желісінің (INQAAHE) мүшесі болып табылады.

www.anqa.am

Білім беру сапасын қамтамасыз ету және аккредиттеу бойынша Австрия агенттігі (AQ) - жоғары оқу орындарының барлық түрлері үшін сапаны қамтамасыз ету, аккредиттеу, сертификаттау және бағалау бойынша тәуелсіз мекеме. AQ ұлттық және еуропалық стандарттарға сәйкес сапаны қамтамасыз ету рәсімдерін әзірлейді және енгізеді. Ол Австрияда және басқа Еуропа елдерінде жұмыс атқарады.

www.aq.ac.at

ASIIN e. V. – Германия Федеративті Республикасының заңнамасына сәйкес тіркелген бірлестік. Бұл альянс алдымен 1999 жылы инженерлік ғылымдар мен информатика бойынша білім беру бағдарламаларын аккредиттеу үшін ASII коммерциялық емес қоғамдық пайдалы бірлестік құрды, содан кейін 2002 жылы өзінің мамандануын кеңейтіп, өзінің қызметіне жаратылыстану ғылымдары мен математиканы енгізді.

2000 жылы ASII, ал содан кейін ASIIN өз сапа мөрімен қатар, германдық аккредитациялық кеңестің аккредиттеу туралы мөрін тағайындау құқығын алды.

2008 жылы ASIIN қызмет саласының ары қарай кеңеюі жаңа органдар құрумен, оқыту мен білім беру саласындағы сапа менеджменті жүйесін бағалау үшін критерийлер мен рәсімдерді әзірлеумен, осыған байланысты Германия аккредитациялық кеңесінің жүйелі мөрін беруге қол жеткізумен жалғасты.

www.asiin-ev.de

2009 жылы 1-қаңтарда негізі қаланған Эстондық білім беру сапа агенттігі (Eesti Hariduse Kvaliteediagentuur, HAKA), бұрын Эстонияның Жоғары және кәсіптік білім беру сапа агенттігі ретінде белгілі (Eesti Kõrg-ja Kutsehariduse Kvaliteediagentuur, EKKA), Жоғары білім беруді аккредиттеу эстондық орталығының және Жоғары білім беру сапасын бағалау бойынша эстондық кеңесінің мирасқоры болып табылады (1997 ж. - 2008 ж.).

haka.ee

FIBAA (Бизнес-әкімшіліктендіру саласындағы бағдарламаларды аккредиттеу Халықаралық қоры) – Германияның Швейцарияның және Австрияның сауда-өндірістік палаталарымен 1994 жылы құралыған аккредиттеу және жоғары білім беру сапасын сараптау бойынша халықаралық агенттігі. FIBAA бас офисі Бонн қаласында (Германия) орналасқан.

FIBAA экономика, менеджмент, құқықтану және әлеуметтік ғылымдар саласындағы білім бағдарламалары мен жоғары оқу орындарының сапасына бағалау жүргізеді.

FIBAA қызметі сараптау жолымен білім беру сапасын қолдау мен арттыруға және білім беру бағдарламалары мен мекемелеріне сапа белгілерін тағайындауға бағытталған. FIBAA өзінің мақсатын білім беруді еңбек нарығы, бизнес, студенттер және ЖОО-ның өздері үшін айқындылық деп біледі.

www.fibaa.org

Ғылыми және жоғары білім беруді бағалау жөніндегі Жоғарғы Кеңестің өкілеттік мерзімі (Херер) 2013 жылғы 22 шілдедегі Заңмен анықталады. Оның негізгі құндылықтары тәуелсіздік, ашықтық және әділеттілік. Оның әдісі бағаланғандарға негізделген мекемелерге,оларды сүйемелдеуге және олардың прогресіндегі серіктес болуына байланысты.

www.hceres.fr

MSA-CESS К-12 мемлекеттік, жекеменшік, шіркеулік, жарғылық, дәреже бермейтін мекемелерді және техникалық жоғары оқу орындарын, мамандандырылған мектептерді, қосымша білім беру орталықтарын, оқу қызмет көрсету ұйымдарын және қашықтықтан білім беру мекемелерін аккредиттейді.

MSA-CESS дәстүрлі аймағы Делавэр, Мэриленд, Нью-Джерси, Нью-Йорк, Пенсильвания, Колумбия өңірін, сонымен қатар, Еуропаның, Африканың, Таяу Шығыстың, Азия субконтинентінің және әлемнің басқа өңірлерінен 85 мемлекеттің аймағын қамтиды. CESS соңғы жылдары ынтымақтастықты нығайтып, өздерінің серіктестері арқылы Құрама штаттар аймағы мен дүниежүзі бойынша аккредиттелуге ниетті мектептерді және институттарды қамтумен өзінің салалық аясын кеңейтті.

www.msa-cess.org

Польша аккредиттеу комитеті (PKA) - бұл ең маңызды құқықтық акт арқылы құрылған және Польшадағы жоғары білім беру жүйесінде барлық мемлекеттік және мемлекеттік емес жоғары оқу орындарында білім беру сапасын жақсарту үшін жұмыс істейтін алғашқы тәуелсіз мекеме

Польша аккредиттеу комитеті жоғары білім берудің жай-күйін талдайтын және білім беру сапасын арттыру мақсатында жүйелі іс-шаралар жүргізуге жауапты сарапшылар ұйымы болып табылады. Осы комитет жүргізетін бағалау міндетті және Комитеттің теріс бағалауы жоғары білім беруге жауапты Министрдің шешімі негізінде Бағдарламаның белгілі бір оқыту саласындағы және оқытудың белгілі бір деңгейіндегі жұмысы бойынша рұқсатты тоқтата тұруға немесе кері қайтарып алуға әкелуі мүмкін.

www.pka.edu.pl

Жоғары білім сапасын бағалау орталығы (SKVC) - 1995 жылы құрылған тәуелсіз Литва агенттігі. Орталық Литвадағы жоғары білім сапасын сыртқы қамтамасыз ету саясатын жүзеге асырады және мамандардың еркін қозғалысы үшін қолайлы жағдайлар жасау арқылы адам ресурстарын дамытуға үлес қосады. Орталықты Литва Республикасының Білім және ғылым министрлігі сараптамалық мекеме ретінде құрды.

орталықтың негізгі функциясы жоғары оқу орындарына сапаны қамтамасыз ету және оны үнемі жетілдіру үшін көмек көрсету болып табылады. Орталық бұл функцияны орындайды: < / p>

• жоғары білім сапасын бағалау;< / p>

• жоғары білімге жататын біліктілікті бағалау; < / p>

• жоғары білім беру жүйелері және біліктілікті тану туралы ақпарат беру.

Меморандум

www.skvc.lt

Әзірбайжан Республикасының Президенті 29.12.2019 ж.қол қойған тиісті Жарлыққа сәйкес білім министрлігінің аккредиттеу және нострификациялау департаменті Білім Министрлігі жанындағы жария заңды тұлға мәртебесі бар білім беру сапасын қамтамасыз ету агенттігі болып қайта құрылды. Агенттік Әзірбайжанда және әлемде қабылданған стандарттар негізінде жоғары, орта және қосымша білім беру сапасын тәуелсіз бағалау саласындағы кәсіби және сараптамалық орган болып табылады.

Білім беру сапасын қамтамасыз ету агенттігі (TQTA) білім беру бағдарламаларының сапа деңгейлерін анықтайды және талаптардың орындалуын қамтамасыз етеді. Өз міндеттерін орындау және өз құқықтарын іске асыру кезінде Агенттік мемлекеттік органдармен (мекемелермен) және муниципалитеттермен, халықаралық және үкіметтік емес ұйымдармен және басқа да заңды және жеке тұлғалармен өзара іс-қимыл жасайды.

www.tkta.edu.az

«Білім беру бағдарламалары мен ұйымдарын аккредиттеу жөніндегі агенттік» үкіметтік емес мекеме аккредиттеу арқылы Қырғыз Республикасының кәсіптік білім беруінің бәсекеге қабілеттілігін арттыру мақсатында құрылған заңды тұлға мәртебесіне ие коммерциялық емес ұйым болып табылады.

Агенттіктің мақсаты білім беру ұйымдарын институционалдық және бағдарламалық аккредитациялау, білім беру бағдарламаларын және кәсіптік білім беру ұйымдарын аккредитациялау әдістемесін, технологияларын, стандарттарын және критерийлерін әзірлеу болып табылады. Аккредиттеу білім беру бағдарламаларының сапасын және білім беру мекемелерінің тиімділігін арттыруға бағытталған.

www.aaopo.kg

Білім және ғылым саласында бақылау жөнінде Федералдық қызметтің ведомстволық мекемесі. Білім сапасын басқару және оған кепілдік беру жүйелерінің халықаралық стандарттарының талаптарына сәйкес келетін, менеджмент жүйесіне негізделетін «Росаккредагентство» ФБММ қызметі білім сапасының сыртқы кепілдігін қамтамасыз етуге және ресейлік білім беру мекемелерінің оқыту нәтижелерінің ұлттық және халықаралық деңгейлерде мойындалуына жәрдемдесуге бақытталған.

«Росаккредагентство» ФБММ қабылданатын шешімдердің тәуелсіздігін қамтамасыз ету мақсатында, білім беру ұйымдарының білім беру қызметтерін мемлекеттік аккредиттеу бойынша табысталған өкілеттілікті жүзеге асыру аясында Білім және ғылым саласында бақылау жөнінде Федералдық қызмет бекіткен Мемлекеттік тапсырмаға сәйкес қызмет атқарады.

www.nica.ru

Ұлттық кәсіптік-қоғамдық аккредиттеу орталығы 2009 жылы құрылған және білім беру саласындағы ұйымдарды аккредиттеуді ұйымдастыру және жүргізу мақсатында кәсіптік білім беру саласындағы сарапшылар гильдиясы және басқа да заңды тұлғалар құрған дербес коммерциялық емес ұйым болып табылады.

НЦПА миссиясы білім беру сапасын арттыру, білім беру ұйымдарында сапа мәдениетін қалыптастыру және Ресей заңнамасы мен Ресей жоғары мектебінің үздік дәстүрлерін ескере отырып, еуропалық технологиялар бойынша білім беру сапасына кепілдік берудің еуропалық стандарттарына сәйкес білім беру бағдарламаларын кәсіби-қоғамдық аккредиттеу арқылы Ресейде және шетелде Ресей білімінің имиджін арттыру болып табылады.

www.ncpa.ru