2015 жылғы 26-27 ақпанда БСҚА «ESG стандарттары және нұсқаулықтары қайта қаралуына байланысты аккредиттеуді өткізудегі жаңа амалдар» тақырыбында семинар-тренинг өткізді

Семинар-тренингте ЖОО 100-ге жуық өкілдері: ректорлар, проректорлар, декандар, кафедра меңгерушілері, аккредиттеу мәселесімен шұғылданатын құрылымдық бөлімдер бастықтары, Қазақстанның және Ресейдің 13 қалаларынан сарапшылар қатысты.

26-ақпанда БСҚА президенті, п.ғ.д., профессор Ш. Қаланованың «IQAA институционалдық аккредиттеу стандарттары және критерийлері, сыртқы аудит стандарттары: BRUF тобымен әзірленген, ESG жаңа стандарттарының және жетекші принциптерінің жаңа редакциясына сәйкес» тақырыбындағы баяндамасы, Назарбаев университетінің Денсаулық сақтаудың Интеграцияланған Академиялық жүйесі департаментінің директоры, м.ғ.д., медицина профессоры Н. Хамзинаның «Медициналық мамандықтар жөнінде Аккредиттеу комитеті жұмысының тәжірибесі туралы» атты баяндамасы, Аккредиттеу кеңесінің мүшесі, студент А. Ораловтың «Аккредиттеу кеңесінің жұмысы туралы», сонымен қатар БСҚА Аккредиттеу және сараптама бөлімінің бастығы, п.ғ.д., профессор Г. Адильгазиновтың және бас үйлестіруші, э.ғ.к. А. Жуматаеваның баяндамалары тыңдалды және топтық тренингтер өткізілді.

27-ақпанда Агенттік қызметкерлерінің баяндамалары тыңдалды және тренинг өткізілді.

Семинар-тренинг соңында қатысушылар сертификаттармен марапатталды.