Доктор Кристоф Гролимунд 2010 жылдың мамыр айынан бастап Аккредиттеу және сапаны қамтамасыздандыру Швейцария агенттігінің директоры қызметіне тағайындалған. Сонымен қатар, ол ENQA вице-президенті және 2013 жылдан бастап ENQA директорлар Кеңесінің мүшесі қызметін атқарады.
Семинарға Аккредиттеу кеңесінің мүшелері, Астананың жоғары оқу орындарының өкілдері, сарапшылар, студенттер және Агенттік қызметкерлері қатысты. Сонымен қатар, видеоконференция көмегімен семинарға М.Х.Дулати атындағы Тараз мемлекеттік университетінің, Халықаралық бизнес университетінің, Халықаралық ақпараттық технологиялар университетінің, Қазақстан-Британ техникалық университетінің және С.Торайғыров атындағы Павлодар мемлекеттік университетінің өкілдері қосылды.
Өзінің баяндамасында, доктор Кристоф Гролимунд Швейцариядағы білім сапасын қамтамасыздандыру тәжірибесімен бөлісті. Соның ішінде, оның баяндамасында: Швейцариядағы жоғары білім беру жүйесі, Аккредиттеу және сапаны қамтамасыздандыру Швейцария агенттігінің(AAQ) қызметі, аккредиттеуді өткізу тақырыптары қозғалды. Кристоф Гролимунд мырза Білім сапасын қамтамасыздандыру тәуелсіз қазақстандық агенттігінің (БСҚА- IQAA) Қазақстанның жоғары оқу орындарын бағалаудағы нәтижелі еңбегін және агенттіктің сапаны қамтамасыздандырудағы үздік еуропалық тәжірибелерді ұстанатынын айтып өтті.
Семинар соңында барлық қатысушыларда, сонымен бірге видео-конференция көмегімен қосылған жоғары оқу орындарының өкілдерінде Аккредиттеу және сапаны қамтамасыздандыру Швейцария агенттігінің директорына қызықтырған сұрақтарын қоюға мүмкіндіктері болды.
Аккредиттеу және сапаны қамтамасыздандыру Швейцария агенттігі туралы ақпарат олардың ресми сайтында қол жетімді.
Қазақстан Республикасы 
Қырғыз Республикасы Білім және ғылым министрлігі 
